Teihana Rerewhenua o Ōtaki
Tiriti o Arthur, Ōtaki
No 1886 te whare teihana tūturu i hangaia ai i te otinga o te raina rerewhenua o te kamupene o Pōneke me Manawatū. Nā ngā wakatō hoihō i hono ai te raina rerewhenua ki te tāone, ā, kotahi maero nuku atu ki te hauāuru.
Nō muri mai i te weranga i 1910, i hangaia e Te Rerewhenua o Aotearoa te whare o nāianei, ā, he mea hoahoa e George Troup. Ko ōna iāri, te poutāpeta me ngā rūma whakatā, wharepaku hoki te tīmatanga o te tāone tuarua, arā, o ‘Ōtaki Rerewhenua’.
Atu i 1919, ia rā, ia rā, maungia atu ai te mīraka kau mō te tāone o Pōneke mai i te wheketere kau o Rāhui e pātata ana ki te tāone.
I muri mai o te Pakanga II o te Ao, nā te mea he tere te tupu mai o te umanga māra mākete, takatū ana ngā iāri o te teihana i te mahi a te tangata. He tini ngā wā o te wiki ka utaina e ngā kaiwhakatupu ā rātou hua ki runga kōneke e haere ana ki ngā mākete atu i Pōneke ki Ngāmotu. Heoi anō, nā te whakataetae rori i katia ai i 1987, ā, i kanukanu noa te whare. Nā te āwhinatanga o tētahi poari tiaki hapori i whakatikangia ai te teihana(1999), ā, kei te mahia tonutia hei mau haere i te tangata.
